سوات:سی پی ڈی آئی  کی زیر نگرانی ملاکنڈ ڈویژن کے صحافیوں کیلئے ابتدائی طبی امداد کی تربیت کا اہتمام کیاگیا جس میں ڈویژن کےمختلف اضلاع سے  پندرہ صحافیوں نےحصہ لے کر تربیت حاصل کی،سنٹر فار پیس اینڈ ڈویلپمنٹ انیشیٹیوزکی تربیتی پروگرام میں ماہرین نے ابتدائی طبی امداد  کے بارے میں  صحافیوں کو ٹریننگ دی،اس موقع پر سی پی ڈی آئی کے پروجیکٹ منیجر نور عالم خان نے شرکاء  اور میڈیا کے نمائندوں سے کہاکہ ابتدائی طبی امداد اور زندگی بچانے کے بنیادی  اصولوں کے حوالے سے صحافیوں کا علم اور صلاحیتیں  محدودہیں،صوبہ خیبر پختونخوا کا زیادہ تر حصہ تنازعات سے بھرا ہے جہاں صحافیوں اور میڈیا ورکرز کو مختلف نوعیت کے خطرات لاحق  ہیں اسلئے خیبر پختونخوا کے صحافیوں کے لئے ابتدائی طبی امداد اور زندگی بچانے کی بنیادی مہارتیں فراہم کرنے کی ضرورت پہلے سے زیادہ اہم ہے ، آج کے ورکشاپ کا  اصل مقصد زخمی ہونے کی صورت میں میڈیا کے پیشے سے وابستہ افراد کی ابتدائی طبی امداد کی مہارت کو بہتر بنانا ہے تاکہ وہ خود کو اور دیگر زخمی ساتھیوں کو مدد فراہم کرسکیں،تربیتی سیشن  کے دوران ٹرینرز نے خون کے شدید بہاؤ کو روکنے، فریکچر کی تدابیر اور اہم جسمانی علامتیں ،مصنوعی سانس جبکہ دل کی دھڑکن بحال کرنے کا طریقہ جیسے عنوانات پر شرکاء کو تفصیلی بریفنگ اور ٹریننگ دی ،اس دوران شرکاء نے ہر تکنیک کو عملی طور پر  سیکھا،آخر میں سی پی ڈی آئی  کے پراجیکٹ منیجر نور عالم خان نے ٹریننگ  شرکا ء میں طبی امداد سے متعلق اشیاء یعنی فرسٹ ایڈ کٹس اور اسناد تقسیم  کی،اس کے علاؤہ پریس کلب کے صحافیوں  کےلئے ابتدائی طبی امداد کے حوالے سے آگاہی پوسٹرز اور بروشرز بھی دیئے گئے تاکہ دیگر صحافی  بھی اس سے مستفید ہو سکیں،شرکاء نے سی پی ڈی آئی کے طبی امداد پر مبنی تربیتی ورکشاپ کے انعقاد کو سراہا اور توقع ظاہر کی کہ سی پی ڈی آئی صوبے کے صحافیوں کے لیے مزید طبی امداد اور سیفٹی اینڈ سکیورٹی پروگرام منعقد کریگی،پروگرام کے اختتام پر چئیرمین سوات پریس کلب شیرین زادہ نے اظہارخیال کرتے ہوئے تربیتی سیشن کو احسن اقدام قراردیااورکہاکہ صحافیوں کیلئے اس طرح کی تربیت لینا وقت کا اہم تقاضاہے,انہوں نے شرکاء میں کٹس ور سرٹیفیکیٹ تقسیم کئے۔