سوات:مینگورہ کے پولیس تھانہ بنڑ کے اندر طالب علم عبید خان کو قتل کرنے والے پولیس کے بدنامِ زمانہ اے ایس آئی فیض اللہ نے گرفتاری دے دی۔ ملزم فیض اللہ نے اپنے آپ کو مینگورہ پولیس سٹیشن میں جائنٹ انویسٹی گیشن ٹیم (JIT) کو پیش کر دیا۔ ملزم اے ایس آئی فیض اللہ نے بغیر کسی جرم کے طالب علم عبید خان کو گرفتار کیا اور تھانہ بنڑ لے جاکر تھانہ کے اندر قتل کردیا۔ ملزم کو بعد میں پولیس کے سیف ہاؤس میں رکھا گیا تھا،لیکن عوامی دباو کے نتیجے میں اس نے گرفتاری دی۔ اے ایس آئی فیض اللہ کے بارے میں معلوم ہوا ہے کہ اس نے تھانہ کانجو کے بیسمنٹ میں ٹارچر سیل بھی بنا رکھا تھا جس میں وہ بے گناہ افراد کو رکھتا تھا۔ ملزم اے ایس آئی فیض اللہ کے پاس چوری شدہ گاڑی نمبرAHJ867 ہوتا تھا جس میں وہ گھومتا تھا۔ اے ایس آئی فیض اللہ کسی پولیس تھانے یا پولیس لائن میں بھی تعینات نہ تھا۔